182               TESTAMENTS ENREGISTRÉS AU PARLEMENT DE PARIS            (422)
Item, je laisse à chascune des eglises dont je suis seigneur des par­roisses, c'est assavoir, Seriefontaine, Marueil, Saumont, Hodent, Boi­semont, Buly, Vaumamg, et aus autres non nommées et declairées en ces presentes lettres, jusques au nombre de dix parroisses et eglises, à compter les devant nommées, pour mettre es réparacions d'icelles eglises, à chascune cinq frans.
Item, je laisse à l'eglise de Seriefontaine, qui est ma cure parro-cbial, la somme de cinquante frans, afin de estre acompaigniez esbiens-fais, messes, prieres et oroisons qui illec d'ores en avant seront dictes; laquelle somme sera distribuée et ordenée par mes dis executeurs es choses necessaires et convenables d'icelle eglise, et en la maniere que il verront en leurs consciences que il sera expédiant du faire.
Item, je laisse à messire Noel, prestre, pour prier Dieu pour moy, quarante frans.
Item, je laisse à frere Eustace le Grant, mon confesseur, pour prier Dieu pour moy, vint frans.
Item, je laisse à messire Pierre, curé de Vaumain, cinq frans.
Item, je laisse à la confrarie Nostre Dame de Pontoise cinq frans.
Item, et à celle de Gisors cinq frans.
Item, je vu eil et ordene que Loys de Trye, mon nepveu, filz de mon amé frere Jehan de Trye, que Dieu assoille, ait quatre chambres fournies, c'est assavoir, une qui est verte à bestes et est de tapisserie de haulte lisse, et les autres soient de sarges.
Item, je vueil que mon dit nepveu ait douse lis, dont quatre sont contenus et comptez es quatre chambres avant dictes.
Item, je laisse à mon dit nepveu toute la vaisselle et garnison de cuisine qui est à Boessy, et les arbaîestes et harnois qui sont de la garnison du chastel du dit lieu de Boissy; toutes lesquelles choses avant dictes mon dit nepveu aura et prendra, sans pour ce riens prendre ue diminuer de la dicte somme de mil frans.
Item, je laisse à mon amé et feal frere, messire Jaques de Trye, chevalier, mon Courcier morel.
Item, je laisse à Goquart de Blaru mon autre cheval morel.